एकमेवाद्वितीय

घराघरांतून आयुष्याच्या परीक्षेत नापास होणारं;
मूल अपयशाच्या भीतीनं गुदमरतं आहे...
त्याला हवं आहे त्याच्या मनासारखं शिक्षण
त्याला हवा आहे त्याच्या आवडीचा अभ्यास
त्याला हवी आहे त्याच्या गुणवत्तेची परीक्षा
त्याला हवी आहे त्याच्या स्वत:ची ओळख

कारण प्रत्येक मूल या जगातील एकमेवाद्वितीय आहे
ते एक स्वयंभू, स्वतंत्र आणि स्वयंप्रज्ञ म्हणून जन्माला आलं आहे
त्याची स्वत:ची एक विचाराधारा आहे
त्याचं स्वत:चं जगावेगळं अवकाश आहे...

त्याला जन्मसिद्ध सामर्थ्याची ओळख करून देणाऱ्या
नव्या शिक्षणप्रणालाची आज नितांत गरज आहे...

- प्रा. विजय जामसंडेकर